Linding 1

 

LINDING 1

LIRIK LINDING

LINDING 1

Motudung/mamatos – baru papaatod boros / To seek your daughter

Eiiihoiii

Do poniga-tiga oku po do

bombong do panansawa,

do bongis do ponombugus

Kotiga oku kumonsiagung,

kottiliu ku monsikakon,

mugus do lampai di waig

sumulok bingkai lisihon.

Do rantai do kadamayan

            do limpayad do rombungan

            Odoi tokolu kolu

            odoi osingkokolu.

            Abandak ii pabandakon

            Okolu poungkoluon

            Kadi titung ku bodii

            Odoi..odoii odiiioii  [sarahan nogi kopio /monongkotoluod]

             

Rati nopo nga rarayou mogihum do tontok tinan toi ko sowoon.  Mogihum-gihum nogi daa kosumandakan panangkaa id kadamaian. Okolu opurimanan nung inonongon no ii kokoluon ginawo do lumangad om mogihum tontok tinan. [hymns and longing for a young man who is looking for his future life partner, perhaps from a nearby village]

Papaatod do sinsing / Handover engagement ring

            iiiihoiii

            soro-sosomoon ku daa ti

            kono-konoon  ku bo hoi

            Do popisait do poninsing

            Popisakai no pondulung

            Tontok di tulan do tawang

            hapak di tawang lihoyon [bulan purnama]

            Do pasait no pondulung

            Pasaradang do ramat

            Odoi tokolu kolu

             odoi osingkokolu.

            Abandak ii pabandakon

            Okolu poungkoluon

            Kadi titung ku bodii

            Odoi..odoii odiiioii  

Rati nopo nga rarayou nunu ii opurimanan soira lumangad kopio, id timpu magandad do mooi pomuhaboi toi ko’ magandad tadau pitunangan. [expressions of deep longing, waiting for an engagement date]

Papatantu pisasawaan / weeding day date confirmation

        Iiihoiii

        Do nakasait no pondulung

        Nakasakai no poninsing

        Nga nunu golimon po bo hoi

        Porugohuson po koih

        Do ukum nopo soking2

        Bisara nopo ramboi bawang

        Nga turu bantal gunuling

        Walu dapu lundunon

        Om koimpit mo manggalung

        Koinsog po lumbodon

        Odoi tokolu kolu

        Odoi osingkokolu.

        Abandak ii pabandakon

        Okolu poungkoluon

        Odoi.. odoii odiiioii 

 

Rati nopo rarayou diti nga, rarayou di kaadat-adato olumis kopio minomuruan di pisinsingan toi ko pitunangan. Iso nogi rarayou kotoodon om kounsikahan tu natantu om nasalasai no tuturan kooturan do nopung id pibabarasan toi ko’ pitunangan. Aiso no olimon di tondu tu notonduan toi ko notudungan no do sinsing. [Happines and gratitude for an orderly and smooth engagement ceremony as well as good agreement between the two parties. the women are now owned, and nothing is hidden anymore]

Eiiihoii

            Do palapalahan ku iii

Do tiag-tiagan kuii

Do tompok di hokum di gulu

Pompod bisara kondori

Do hokum di soking-soking

Do bisara ramboi bawang

Nga baya no opuluh bonding

Do tulinggou do himbaan

            Odoi tokolu kolu

            Odoi osingkokolu.

            Abandak ii pabandakon

            Okolu poungkoluon

Odoi..odoii odiiioii 

 

Rati rarayou nopo diti nga simbar di kusai do oimayaan om ounsikou nogi tu naanu dau ii tondu kouhangan om koginawaan dau, om rinamit dau ngawi ii tuturan om kooturan do pingongongoi dau di koupusan dau. [ The man was grateful and and happy that his dream girl had accepted him and that love had been sealed through engagement]

Tadon do do Linding: Tiagak Tindarama Amman Sirom Simbuna

The original owner of the Linding: The Late Tindarama Amman Sirom Simbuna

 

Ponorubungan kumaa di Tiagak Tindarama Amman Sirom Simbuna:

 

 Mac 2018 – Ponorubungan koinsan nogi miampai di zandi Connie Muslim @ Veronica Masilim

1^st interview with the original owner of the Linding along with the Kadazandusun

language teacher madam Connie Muslim @ Veronica Masilim

19/5/2019 - Ponorubungan kumoinduo miampai nogi di zandi Connie Muslim @ Veronica Masilim songulun mongingia BKD id SM St Peter Telipok Kota Kinabalu. Manganu linding diti montok do piboiaan HIIS watas pogun [JPNS/KDCA]

2^nd time interview for the purpose of learning Linding to brought to the state level HISS competition organized by JPN/KDCA 2019 [ The achievement got third place]

 

Nung maganu diti minog no miampai kasagaan kio, muhot nopo doho.

Pounsikou /Thank you

DeAngel Channel

Loloyong Dompol

 

LOLOYONG DOMPOL

 

Kopisunduan…

Kopiruba kawagu susuyan om ponuratan ku maya blog ku kio. Baino nopo nga popointutun oku do iso po kawo kolumison koubasanan id Kampung Bangkahak Lama Kota Belud roitan do LOLOYONG. Loloyong nopo diti nga sinding doungulu-gulu. Kogumuan no komolohingan di gulu-gulu miloloyon do popolihis ginawo. Loloyong nopo posuraton ku baino nga loloyong naanu mantad tangon DOMPOL

Kanou inonongo tokou ilo susuyan Dompol om ilo loloyong id susuyan tangon diti

[Greetings ... welcome back to my blog. this time I will share about LOLOYONG DOMPOL. Loloyong means traditional song. Loloyong Dompol is an element of the song called loloyong in the fairy tale Dompol]

 

Di pogulu po haro songulun tanak sumuni nogi kosumandakon, roitan do i Dompol. Sinuhu di tina dau minoooi ponginsiduon. Awagat no daa ginawo di Dompol mooi ponginsiduon om ogumu no daa siriban nga au no di tina dau nosorou kolungungon. Iti no loloyong id susunudon kokomoi i Dompol.

[  Long time ago, there was a girl who had just grown up which was named as Dompol. Her mother had asked her to go find firewood, on her way to find firewood, many warnings were a bit unusual but her mother was not sensitive to the warnings]

Ompol ongoi siduon

Ompol ongoi siduon

Ina tukono Dompol

Ina tukono Dompol

 

Ompol ongoi siduon

Ompol ongoi siduon

Ina nokosunggu oku

Ina nokosunggu oku

Rumanggou ko oton

Ruminangggou ko oton

 

Ina notipu taang tukad

Ina notipu taang tukad

Singkawagato nu oton

Singkawagato nu oton

 

Pamanau no I Dompol koruba di lontugi agayo om raha do palampayak. Iti nopo nga iso nogi kaadat-adato siriban do haro kolungungon nung potilombuson o panau.

[On the way, Dompol spotted a large centipede and a lot of stagnant blood on the side of the path to the forest. According to belief, extraordinary things like this, we should not continue the journey, because there is a chance that bad things will happen.]

 

Ina lontugi tagayo

Ina lontugi tagayo

Ina sanlampayak raha

Ina sanlampayak raha

Dau-dau no Oton

Dau-dau no Oton

 

Korikot I Dompol id ponginsiduanan, mamaso monginsiduon. Korikatai di momogorib do tulu, huluai no di momogorib.

[As Dompol has arrived at the forest, and was collecting firewood, a head hunter saw Dompol. The head hunter is looking for a trick to get Dompol's head. He persuaded Dompol to rest and eat betel [tinggaton] but Dompol refused.

 

 

Umandak kano minggat

Umandak kano minggat

Au oku sii inggat

Au oku sii inggat

 

Kokita ii songgorib lasu Dompol lumuyung id rabas om id liou, pumpugai dau I piasau om potunuyo no tu oilaan dau tuuhan no I Dompol.

[The Headhunter saw Dompol sweating a lots after collecting firewood. The head hunter lures Dompol to accept his invitation to drink young coconut water. the head hunter pounded the coconut and handed it to Dompol]

 

Umandak minum po piasau

Umndak minum po piasau

 

Gowoyo no dii Dompol tingaha no minonogiok di waig piasau, poyuso no di songgorib i gayang dau nga kotubau nopo tulu Dompol om piasau. Monopuk nopo raha Dompol. Onuon di Songgorib I tulu Dompol om pamanau no miampi noomon. Guli no koduduo Dompol minongoi popoilo di molohing dau.

[Dompol accepted the invitation. As she looked up to drink coconut water, the head hunter swung his machete. Dompol's head was separated from his body, the coconuts fall from her hands .... blood sped out. Then Dompol's spirit returned home to say goodbye to her mother. various requests last time.various requests last time. She told his mother she was hungry. She asked for her clothes]

 

Ina louson oku

Ina louson oku

Mandad siduon nu oton

Mandad siduon nu oton

Ina nuo doho gonob ku

Ina nuo doho tinggot ku

Ina mamanau oku no

Ina mamanau oku no

 

Kopurimanai di molohing do mooi pogintod-gintod I tanak dau, gusa daa mato luminiga nga sangai po okito dau hilo noo minsodu, nindoso om tihad di molohing au no kaanu popoguli di sunduan om rusod tanak dau.

[Dompol's mother tries to see her daughter but her spirit in the form of shadows goes away while telling her she will never be able to return]

Oton guli po oton

Oton guli po oton

Ina amu kito no kopiiso

Ina misuai kito no

Ina au no koguli oku

Ina au no koguli oku.

 

Tihad di molohing aiso no rati, oruol no ginawo tu amu nakarati di siriban do nokosunggu tinggusan, notipuan do taang tukad, kokoruba lontugi gumagayo om  raha sanlampayak.

Boros ka komolohingan, nunu nopo doukkosuwyaan kada no lombus id tindalanon tu kiwaa kolungungon.

[The Dompol mother’s cries of grief and sadness because she failed to understand all the signs such as bumped head, broken stairs, large lontugi and the blood reservoir is enough to signal Dompol in danger. The ancients strongly believed in supernatural signs was a message that needed to delay the journey.This kind of belief technology is still relevant but with the practice of religion, all work begins with prayer.]

 

 

 

 

Pounsikou. Kopiruba kawagu kio

Thank you, see you again

Monoriuk Kingkiaton [Kiaton]

 

Monoriuk Kingkiaton [Kiaton]

8 Milatok 2021 – Tadau Kukuak nakaanau oku kosiwatan do minongoi ponorubung songulun zandi Justina Maun id kampung Bangkahak Lama Kota Belud. Mulong ii do hapakan po kopio isido diti, nga molohing tondu nopo dau nga mongingiaton om nokotungkus dii iyau. Zandi Justina Maun nopo diti nga luguan do tinimungan Giring Siniuhudan , luguan Sombol Koonduan [ Ketua jiran Wanita], Monguhup nogi di Ponorikohon Eko Tombului Poginadapan toi ko’ Eko Pelancongan Inap Desa om nogi Biro Ahal Koonduan om Paganakan JPKK  [ Biro Hal-ehwal Wanita dan Keluarga JPKK].

Kingkiaton toi ko kiaton nopo sinoriuk ku nga haro pisuwayan tokuri mantad di kiaton nabalajaran ku id sikul om ii norujuk ku mantad buuk ii kiuhu LIHIS TINUNGKUSAN TINARU DUSUN sinuratan di Linah Bagu om Victor Baga. Ounsikou oku tu iti nopo sinoriuk ku nga kiwaa duo rulud toi ko watang boros do poloyukon kiaton pogulu ii, miampai do kiwaa pisuwayan vokal tanaru  aa om oo.

Poomitanan do kiaaton:

KIATON

 

Kiaaton…. Lumiga  longgiadau

Mukakas logung tawan

Kiatoon….tondu nopo obonung

Kotitiu do himbaan

[Rati : tondu nopo di olinuud nga mogulinau sabab woyo di toluud nunu nopo maan dau]

 

Kiaaton…limunduk dilo nulu

Sunduk di yumandakon

Kiatoon….sumandak pogi nuluhon

Abagos morobuat

[Rati : koonduan nopo mantad id nuluhon nga ongopori om angaparu morobuat]

 

Kiaaton… sumbiling ku rugading

Layuk ponosarayo

Kiatoon… pimato mato ku no

Tondu giring-giringan

[Rati : Piintong om piandad-adad no tondu/sumandak di olumis]

 

Kiaaton…. Sinuranga  kisulat

Rinilitan rindaog

Kiatoon….Okon dalai tomod

Saring dii runduk ngadau

[Rati : Dalai nopo nga okon ko tanom tomod, dalai nopo nga panakasaring di huminodun/unduk ngadau pomolumis ponokot sokoton di tongosumandak di pogulu ]

 

Kiaaton…Sandad di poingwalad

Royohon kogingohon

Kiatoon… wasai turu pisimbau

Narayou tumindapou

[Tati : pamarayou do kolumison do wasai ii kagayat ginawo tongotombului ]

 

Kiaaton…lokos-lokos id puru

Nosorili  tontolob

Kiatoon …pitolibon tingalob

Korumbak piunungan

[Rati : kada poopio id ginawo ii tingalob / pomusarahan do moningalob, tu woyo tiagal diti karaag do piisaan]

 

Kiaaton …Watang-watang di ronguh

Sinunian do kodop

Kiaton..Gorong do ronguh tinan

Modop torimo-rimo

[ Rati : Poniriban di tulun dii akaul monorimo-rimo modop id walai. Oronguh toi ko agayo om ogoris kokitanan nga aiso rati nun modop no toilaan]

 

Kiaaton…Rinapa ku bambangan

sinpakan ku lindung

Kiaton maboi lumindung pogi

Nabambangan do boros

[ Rati : Kumaus pogi kopio nga nabambangan toi ko notubahan boros di taraat toi ko’ kosinduol ginawo]

 

Kiaaton…limpupu poimbakod

Sinunsui gilou-gilou

Kiatoon…mulau tulun tumokin

Tulun do tigas yahai

[ Rati : kosiwot ii tulun do manansawo dahai tu norutum om mosikin koposion]

 

Kiaaton….mokisosondot oku

Bawang liogu korumbangan

Kiatoon…pasandatai ku nogi

Liogu kalanggaan

[ Rati :Ondos ii daa om kiharo-haro koposion, posondoto nogi kopio manansawo aiso ii nunu-nunu toi ko norutum]

 

 

 

Ponoriukan De Angel

Kampung Bangkahak Lama

Kota Belud

©De Angel

Dalai Ponuau-suau

 Dalai Ponuau-suau

Kopisunduan yoku nopo nga i Angel.

Ngaran ku nopo di otopot nga Angelina Christy Devona De Dominic. Nosusu oku 2001 nakasakai no kopio toun mellinium, milo no kanto komoyon do generasi Y2K kio. Yoku nopo nga bagas tangaanak sikul mantad SM St Peter Telipok Kota Kinabalu, iso sikul id pialatan no kopio watas Kota Kinabalu om watas Tuaran. Di po poinsikul oku po minanganu oku subjek Boros Kadazandusun om babaaino diti maso oku po mongoput sikul ku id pinludaan Boros Kadazandusun. Oimayaan oku mimbalajar, momonsoi blog om channel kokomoi BKD sabab kopihondot do Pinludaan ku. Kointutunan tokuri mantad doho kio.

 Boros Kadazandusun nogi iso tinungkusan mantad komolohingan ii malup-talup om mumang punso no gama osoibahan diti doungkawaawagu om arahung komilaan do babaino. Mintod do pomusarahan diti do, oponsol komulakan ngawi mongukad om minsingilo kokomoi nunu nopo koubasanan om monoriuk nunu nopo ii komilo soriukon kokomoi tinaru ku. Sarahan no daa do nunu nopo iti goos ku kapanahak do sunduan kumaa komulakan ngawi om nogi sabaagi tataba intelek do timpu dumontol.

Id blog ku nopo diti nga ounsikou oku kumaa koduuduo molohong ku tu’ yolo no tadon do sunduan ku balajar om mamagataang ti koposion ii au milo boroson, molohing kaa pogi gia. Moboros kokomoi tindalanon pimbalajaran ku, ounsikou tomod oku di mongingia BKD ku zandi Connie Muslim alias Veronica Masilim, tu isido no minanahak doho sunduan, ponontudukan dan kagarasan do minsingilo om mupus diti tataba koubasanan tinaru ku. Milo nogi komoyon ku, isido no susukuon ku komoiboros om nunu nopo. Suai ko iti ounsikou oku di luguan Sikul ku Gungodohing Jackson Sigo@Siga tu isio no minonimpuun kopio nunu ii komoyon do inovasi, kreativiti, kritis om explore sabaagi songulun tangaanak sikul. Isio nogi pinoiipuun pomusarahan kokomoi papataran do komilaan id watas winoun toi ko global player maya do internet. Ounsikou oku disio tu’ minanahak doho kotumbayaan do momuruan om duminadi luguan admin di aplikasi Tangkob BKD [T-BKD] di toun 2018 om nakalantoi iti T-BKD miampai gaa Amas maya piboiian do Karnival PBL pialatan sikul watas Kota Kinabalu. Sabaagi do Admin minonolug, kaakal do babaino mongia oku di admin potilombus. Au ku olihuan dua tambalut ku Gloria Shandra Cahatty om i Candy Veira Lo. Nonggo kou nopo alansan daa osonong-sonong koposion om kalantoi nunu iman-imanon dikoyu ngoduo. Ounsikou oku nogi kuma 3 tulun dii minonokodung do sunduan ku mimparu kopio balajar diti Boros Kadazandusn i Yang Berhormat Datu Seri Panglima Wilfred Madius Tangau pinopoimagon di aplikasi PBL dahai T-BKD versi 1.0, Zandi Sitiamah Sahat (Pegawai Meja BKD) JPNS minanahak kosiwatan monorubung dau om mongunsub sunduaan maya HIIS, i zandi olumis om tapantang zandi Nurlinah Bagu sabaagi tudan sunduan, kounsub rahi monoriuk soira kabasa do buuk HIIS disido. Ounsikou om oupus oku nogi toinsanan kuma mongingia di nindakod om indokodon ku do momilantoi id tindalanon koposion.

Osorou ku om hiti-hiti no ti ponuau-suau ku. Kounsikahan kio

 

Mantad doho De Angel